KORONADAL CITY- Nagapakitluoy na ang pamilya sang 2 ka mga suldado nga katapo sang 39th IB Philippine Army nga hilwayon na ang ila mga himata nga gin-abduct sang mga myebro sang New People’s Army Front 72 sa bahin sang Brgy. Telafas, Colombio Sultan Kudarat sang nakaligad nga adlaw.
Sa ekslusibo nga interbyu sang Bombo Radyo Koronadal kay Police Senior Inspector Bernard Francia ang hepe sang Colombio PNP, tuman ang pakitluoy sang asawa ni PFC Samuel Garay nga buy-an na ang iya nga bana ilabi na nga nagadala ini samtang naga apela man ang himata ni PFC Solaiman Calocop nga maluawas ini sa katalagman makaligad ma abduct sang rebelde nga grupo.
Ginhatagan punto ni PSI Francia nga wala sila naga untat sa gianpatigayon nga Hot Pursuit Operation agud nga mapasiguro nga mabalik nga luwas ang 2 ka mga katapo sang militar.
Sa pihak nga bahin nag commit na si Sultan Kudarat Governor Pax Mangudadatu nga amuh man ang nagatindo nga Regional Peace and Order Council Chairman nga personal ini nga magapakig angot sa rebelde nga grupo agud nga marelease ang mga suldado.
