KORONADAL CITY- Naangkon na ang hustisya sang pamilya ni PO2 Charlie Leyva sa kamatayon sang isa sa mga ginatudlo nga prime suspect sa pagluthang patay sa pulis sa boundary sang banwa sang Polomolok kag Tupu sa South Cotabato.
Ini makaligad nga ginkumpirmar ni PCI Jardi Mont Sibal, hepe sang Surallah PNP ang kamatayon sang high value target nga myembro sang Ansar al-Khilafah Philippines (AKP) terror group nga si Moods Nilong nga nagluthang kay PO2 Leyva sang Oktubre 2017.
Sa interbyu sang Bombo Radyo Koronadal kay Ginang Remedios Leyva, iloy sang biktima, nabunutan suno pa sila sang tunok sang mahibaluan nga napatay sang mga otoridad ang suspek sa ginpatigayon nga drug buybust operation sa Polomolok sang magbato ini saa kapulisan.
Kilala man ang 25 anyos nga suspel sa mga alyas nga Moods Sulaiman kag Alimudin Mamadra Sapano nga residente sang Purok Laguang, Brgy. Rubber, Polomolok, South Cotabato.
Madumduman nga ginluthang patay si PO2 Leyva samtang padulong sa General Santos City agud asikasuhon kuntani ang iya nga promotion.
