KORONADAL CITY- Nagresulta sa kamatayon sang isa ka high valued target nga drug suspect ang ginpatigayon nga search operation sang mga otoridad sa banwa sang Polomolok kag Tupi, sa probinsya sang South Cotabato.
Ginkilala ang napatay na si Allan Sajo, 25-anyos, residente sang Purok 10-A Tupi, South Cotabato.
Suno kay PSupt. Alex Orcajada, hepe sang Polomolok Municipal Police Station si Sajo ang target sang operasyon kun sa diin una ini nga nagpalupok operating team matapos nga mahibaluan nga pulis ang katransaksyon sini.
Nagbalos naman sang lupok ang pulis nga nagpakuno-kuno nga buyer rason nga naigo sang bala si Sajo.
Nahibaluan nga madugay na nga ginmonitor ang suspek bangud sa pagduso sang iligal na druga sa banwa sang Polomolok kag Tupi.
Gindangat pa sa ospital ang suspek apang gindeklarar ini nga dead on arrival.
Narekober sa suspek ang isa ka homemade 22 caliber revolver, mga bala kag sachet sang shabu.
