KORONADAL CITY- Natalana nga pasakaan subong nga adlaw sang kaso nga paglapas sa RA 10591 ukon illegal possession of firearms and ammunition ang 2 ka mga armado nga kalalakihan sa Brgy. Nabalawag Midsayap North Cotabato.
Nahibaluan nga nagpatigayon sang operasyon ang gintingob nga pwersa sa ng Midsayap PNP, 34th Infantry Battalion sa pagpanguna ni Ltc Angelo Lutera batuk sa mga iligal nga mga armas kun sa diin nadakpan sanday Ambong Mamalinta, 39 anyos kag Endo Mentato Sapelon, 48 anyos nga may ginalipod na mga matag-as nga kalibre sang mga armas nga naghana pa nga magpalagyo usar ang isa ka bangka.
Narekober man sa posisyon sini ang tatlo ka caliber 30 Garand rifles, 1 M16 rifle, 2 caliber M14 rifles, 1 homemade caliber 50 Barret, assorted magazines kag ammunitions, narekober man ang identification cards sang isa ka Tong Asilon Salem, kag narekober man ang mga upper battle dress uniform, sa ila bangka.
Ang nasambit nga mga suspek ang gilayon nga ginpaidalom sa interogasyon sa headquarters sang 34th IB kun sa diin ginahibalo pa kun ano nga rebelde nga grupo ang ila ginakabug-usan.
