KORONADAL CITY – Ginrelieve na sa puwesto ang hepe sang Koronadal City PNP nga si Police Liutenant Colonel Benjiel Kirby Bajo makaliggad makaangkon sang mga negatibo nga reaksyon halin sa mga residente sang syudad sang Koronadal ang naglapta nga video nga nagapakita nga nagasugal kag naga inom suno pa sang makahulubog na ilimnon ang mga katapo sang Koronadal City PNP sa sulod mismo sang police station.
Sa ekslusibo nga interbyu sang Bombo Radyo Koronadal kay Police Lieutenant Colonel Aldrin Gonzales tagpamaba sang Police Regional Office 12, nakaabot na sa ila ang reklamo kag uyat na man nila ang kuha nga video sa nasambit nga insidente.
Bangud sa nasambit nga panghitabo, gilayon nag ginrelieve sa posisyon ang hepe sang Koronadal City PNP agud hatagan sang ligwa ang imbestigasyon.
Dugang pa ni Gonzales nga bisan san-o indi pagakunsintihon sang pamunuan sang Philippine National Police ang kasubong nga hilimun nga naga guba sa imahe sang PNP.
Gin-insister man sini nga hugot nga ginadumilian ni President Rodrigo Duterte ang mga pulis nga mag sugal kag mag inom sang makahulubog nga ilimnon sa mga pampubliko nga lugar kun sa diin mabutang lamang ang police station sa kahuy-anan kag delikado nga sitwasyon.
