Ginapadasig kag ginasiguro sang kapulisan ang imbestigasyon sa pagluthang-patay kay Libungan Cotabato Mayor Christopher Cuan.
Ini ang ginkumpirmar ni Plt. April Rose Soria, Public Information Officer sang North Cotabato PNP sa interbyu sang Bombo Radyo Koronadal.
Suno kay Soria, matapos matabo ang pagpangluthang ang gilayon nagdihon sang Special Investigation Task Group (SITG) nga magatutok sa kaso kag activated na ini sa subong.
Suno pa, maga-agi man sa nagakaigo nga proseso ang imbestigasyon kasubong sang pagpaidalom sa post-mortem examination sang bangkay sang alkalde, ballistic examinations sa mga narekober nga empty shells sang caliber 45 kag pag-retrieve sang mga CCTV footages sa mga establisyemento nga makabulig sa imbestigasyon sang kaso.
Nahangpan naman suno pa sang kapulisan ang nabatyagan sang pamilya kag sang katawhan sang Libungan bangud mismo ang akalde sang ila nga banwa ang nadula..
Kaangot sini, ginahibalo na subong kun sin-o ang mga responsable sa likod sang krimen pamaagi sa mga witness nga yara sa ginlunatran sang insidente.
Madumduman nga kalakip ang driver sang alkalde nga ginbawian sang kabuhi sa pagpangluthang nga natabo samtang ginabisita sini ang ginatukod nga Libungan Gallera
