KORONADAL CITY – Duha ang ginbawian sang kabuhi samtang lima naman ang pilason makaligad nga mahulog sa pil-as ang mini van sang DSWD sa bahin sang Barangay Kablon, Tupi, South Cotabato ang isa ka mini-Van nga na-loss break.
Ginkilala ang ang mga napatay nga sanday Boy Vinluan, empleyado sang Tourism Office sang LGU Lambayong kag isa ka sibilyan nga si Mila Marquez kun diin dead on arrival na ang mga ini sang gindala sa hospital.
Samtang ang mga pilason nga ginabulong na sa hospital amo sanday Mamot Tungkay, driver sang salakyan kag mga pasahero sini nga ginkilala kanday Aliakbar Bagundang, Len-len Salinogen kag duha pa ka wala ma-identify nga mga biktima.
Sandig sa imbestigasyon sang Tupi PNP, nagpadulong sa isa ka Farm sa Kablon ang empleytado sang LGU-Lambayong para magpatigayon sang benchmarking sa pagtanum sang nagkalain-lain nga sahi sang bulak kag mga tanum.
Apang sang papule na ang mga ini nadulaan sang break ang ila nga ginasakyan rason nga nadulaan sang control ang driver kag naaksidente ini.
Sa subong nagapadayon ang imbestigasyon sang mga otoridad sa nagluntad nga aksidente.
