KORONADAL CITY– Dismayado si Koronadal City Vice Mayor Atty. Eleordo Ogena sa pagpatuman sang Republic Act 8049 ukon mas kilala bilang Anti-Hazing law sa Pilipinas.
Suno kay Atty. Ogena, 22 ka tuig na ang nasambit nga layi nga may tinutuyo kuntani nga mahatagan sang proteksyon ang kada indibidwal batuk sa kinagamo ukon pagpang abuso sa pagsulod sini sa isa ka fraternity ukon sorority ukon anuman nga organisasyon.
Dugang pa ni Atty. Ogena nga makadismaya bangud ang panan awan sang grupo ang nangin bayolente na sa pagligad sang panahon.
Ito ang kasunod sang kamatayan sang UST freshman law student nga si Horacio ‘Atio’ Castillo III nga napatay sa hazing ukon initiation rite nga ginpatigayon sang Aegis Juris Fraternity bilang prerequisite antes makasulod sa ila nga fraternity.
Kaangot sini, madamo suno pa sang anggulo ang dapat imbestigaran sa kamatayon ni Horacio III kun sa diin ang panibag o nga panghitabo nga isa isa naman ka estudyante ang napatay sa hazing ang nagapakita nga kulang pa sa bangkil ang implementasyon sang nasambit nga layi.
Makabalaka suno pa bangud tubtub subong sa pihak sang pagpatuman sang layi may mga kabuhi sa gihapon nga mautas.
Ini naman ang rason kun ngaa pila ka mamalidha ang luyag amyendaran na ang nasambit nga layi bangud sa 22 ka tuig isa ka beses pa lamang nakaangkon sang conviction kag ini sa 2 ka myembro sang Alpha Phi Omega tuig 2015.
