Naglapta na sa 10,523 acres ang madasig nga brush fire nga ginatawag nga Hawk Fire sa Northern Nevada, malapit sa Reno.
Ginpabaskog sang hangin ang paglapta sang kalayo, nga naghimo sang sitwasyon nga mabudlay kontrolon kag nagapahamtang sang peligro sa mga lugar nga may mga puluy-an.
Suno kay Richard Edwards, Chief of Truckee Meadows Fire & Rescue, padayon nga nagabag-o ang sitwasyon bangud sa hangin nga nagatulod sang kalayo sa nagkalain-lain nga direksyon.
Nagdeklarar sang state of emergency si Nevada Governor Joe Lombardo sa Washoe County bangod sa sunog.
Ginpangabay man sang Reno Police ang mga residente nga magsalig sa Perimeter Map angot sa pinakabag-o nga impormasyon bahin sa evacuation kag mga lugar nga kinahanglan likawan.
Sa karon, nagpadayon ang mga awtoridad sa pagmonitor kag pagresponde sa sunog, ilabi na bangud mahimo ini maglapta pa samtang mabaskog ang hangin.
