Tigayon nga ginsunog sang mga opisyal halin sa nagkalain-lain nga ahensya sang gobyerno ang estimated P87 milyon nga balor sang illegal nga droga nga nakumpiskar sang nagligad nga mga tuig.
Ginpatigayon ang pagsunog sa isa ka incinerator sang renewable energy-generating plant sa Barangay Simuay Crossing, Sultan Kudarat, Maguindanao del Norte.
Ginpangunahan sang Philippine Drug Enforcement Agency–Bangsamoro Autonomous Region in Muslim Mindanao (PDEA-BARMM) ang nasambit nga aktibidad, upod ang iban pa nga mga law enforcement operatives kag mga mataas nga opisyal sang gobyerno.
Makita sa mga laragway nga ang mga iligal nga droga upod ang shabu, marijuana, kag cocaine ang ginpamutang sa incinerator sang isa ka pribado nga kumpanya agud masiguro ang ila eksakto nga paggiba kag malikawan ang posibilidad nga ini magamit liwat.
Sa karon, padayon ang panawagan sang mga opisyal nga untatan na ang pagduso sang illegal nga droga.
Nahibaluan nga kalakip sa mga nakabulig sa madinalag-on nga anti-narcotics operations sang nagligad nga lima ka tuig ang mga field commanders sang Moro National Liberation Front kag Moro Islamic Liberation Front.
