-- ADVERTISEMENT --
Ginapabugal sang Department of Agriculture (DA) nga isa lamang ka probinsya sa kabilugan nga 82 sa pungsod ang wala pa nagabaligya sang P20/kg nga bugas.
Suno kay Agriculture Secretary Francisco Tiu Laurel Jr, ang Tawi-Tawi lamang ang katapusan nga probinsya nga sa mga masunod nga adlaw ila pagalunsaran sang nasambit nga programa.
Dugang pa niya nga may yara 427 ka mga lugar sa bug-os nga pungsod nga nagabaligya sang P20 kada kilo nga bugas.
Naglab-ot na sa 1.2 milyon ka tawo ang nakabenepisyo halin sang ginlunsar ang nasambit nga programa.
Nalabawan nila ang target nga 136 ka mga lugar sa 13 ka probinsya sang ginlunsar ang programa sang Mayo.
Plano sang DA nga sa bulan sang Disyembre ilunsar ang P20/kg nga bugas sa Tawi-Tawi.
