KORONADAL CITY- Pormal na nga nagsugod subong nga adlaw Agosto 11, 2019 ang paghiwat sang Muslim Community sang Eid’al Adha ukon Festival of Sacrifice sa probinsya sang South Cotabato.
Nahibaluan nga temprano pa nga nagpadulong ang mga Muslim sa Grand Mosque partikulamente sa Brgy Sta Cruz, Koronadal City agud nga magpatigayon sang Sambayang ukon dululungan nga pagpangamuyo angot sa nangin sakripisyo ni Abraham pinaagi sa paghalad sang iya nga bata nga si Ismael para kay Allah.
Sa esklusibo nga interbyu sang Bombo Radyo Koronadal kay Datu Abdul Rauff Decampong, Administrator sang Grand Mosque sa Koronadal City, ginpahayag sini ang importante ang selebrasyon sang Festival of Sacrifice kun sa diin nagapadulong suno pa ang yara sa 800 ka mga Muslim ang tililipon sa isa sa pinakadako nga Islami Event kada tuig.
Nangin sentro man sini ang Sambayang ukon pagpangamuyo, pagpasaylo sa mga nakasala kun sa diin nagakadto ang iban nga Muslim sa kada puluy-an agud nga kay-uhon ang indi pag-intindihanay kag pagkatapos may yara sang pagsinalo-salo.
Nagalaum man si Decampong, nga ikabuhi sang kada Muslim ang nasambit nga sagrado nga obserbasyon.
