Nakabalik na sa ila mga panimalay ang halos tunga ka milyon nga katawo sa parte sang Gaza Strip nga nagin sentro sang gyera sa tunga sang Israel kag Hamas base sa report halin sa United Nations.
Apang sa isa ka news conference, ginpahayag ni Office for the Coordination of Humanitarian Affairs (OCHA), spokesman Stephane Dujarric nga nagahulag na ang na-displace nga mga Palestino halin sa norte pakadto sa timog nga parte sang Gaza apang sa magamay lang nga numero.
Base sa datos sang Biyernes, Enero 31, yara na sa 8,500 katawo ang naglakat halin sa northern areas sang Gaza pakadto sa timog nga parte.
Ginpahugot naman sang UN kag humanitarian partners ang ila nga pagtugot sa monitoring points kabilang ang first aid kag psychological support para sa most vulnerable patas sang mga bata, babae kag mga senior cetizen.
Magluwas sini, ginpa-athag man sang UN ang aid operations sini sa northern Gaza.
Sa pagbisita man sang humanitarian team sa 2 lugar sa South Remal kag Tel el Hawa nga kalapit lang nga lugar sa Gaza city, nagakakinanglan ang mga tao didto sang tubig, mga kitchen supply, habol kag mga gamit nga panglimyo.
Madumduman nga nagin epektibo ang ceasefire sa tunga sang Israel kag Hamas sang Enero 19 nga naghatag ligwa sang pagbalik sa mga na-dsiplace nga Palestino sa northern Gaza.
Napa-untat man ini sang ceasefire deal sa masobra isa ka tuig nga gyera nga nagpatay kag nagpa-displace sa linibo nga mga tawo.
