KORONADAL CITY- Apektado ang Kabacan, North Cotabato bangud naman sa ila naeksperyensyahan nga mabaskog nga pag ulan.
Sandig sa impormasyon, yara sa lima ka mga barangay ang apektado sang kalamidad kung sa diin lapaw pa sa hawak sang tao ang lebel sang tubig.
Amat amat naman suno pa nga naghugpa ang tubig apang nagpanawagan ini nga mangin vigilante ang mga residente sang nasambit nga barangay.
Luwas pa diri, may yara man sang mga mangunguma ang apaektado sang kalamidad, kasubong sang ila nga tanom nga palay kung sa diin may mga bag o nga tanom pa ang indi na mapuslan.
Nakapreparar naman ang Agriculture Office sang bulig para sa mga mangunguma matapos ang ila nga assessment kag validation.
Sa pagbulubanta sang MDRRM, halos 500 hectares sang agrucultural crops kasubong sang mais kag palay ang apektado sang nasambit nga kalamidad.
