Nagsaka sa 458 ang numero sang mga barangay nga apektado sang African Swine Fever (ASF) sa pungsod.
Sa datos nagikan sa Bureau of Animal Industry (BAI), masobra 80% ang ginsaka sang numero sang mga barangay nga apektado ikumparar sa nagligad nga report sang ahensiya.
Suno naman kay Department of Agriculture Assistant Secretary for Poultry and Swine Dante Palabrica, ginalauman na sang mga ini ang pagsaka sang numero sang mga apektado nga lugar bangud sa maulanon nga panahon.
Naka apekto man sa paglapta sang virus ang pila ka mga negosyante nga nagabiyahe sang mga baboy apisar apektado sang balatian.
Sa pihak sang padayon nga pagsaka sang kaso, ginapasalig naman sang DA nga may bastante nga suplay sang karne sang baboy sa merkado.
Samtang suguran na sa Biyernes ang pagbakuna sa mga baboy sa banwa sang Lobo, ang ground zero sang ASF outbreak sa Batangas.
