KORONADAL CITY- Ginbaha ang pila ka mga barangay sa banwa sang Kabacan, North Cotabato bangud sa wala untat nga pag-ulan sa nasambit nga lugar.
Nahibaluan nga duha ka barangay nga ginakabig nga low-lying areas ang apektado nga ginalakipan sang Brgy. Upper Paatan kag Brgy. Cuyapon nga gindalasa sang tubig baha bangud sa bilog nga gab-i nga pag-ulan.
Yara sa halos 400 ka pamilya ang apektado ukon yara sa 2,000 ka mga indibidwal ang naperwisyo sang baha makaligad ginsulod sang tubig ang ila mga puluy-an.
Pila ka residente man ang nagtinir sa covered court sang banwa para sa ila kaluwasan.
Sa karon problemado man ang mga mangunguma makaligad malumo sa tubig ang inektarya nga talamnan sang palay kag gulay kun sa diin kadamuan ang gin anod pa sang baha.
Nakadeklarar naman sang suspensyon sang klase sa nasambit nga banwa bangud sa lagpas tuhod nga tubig baha.Top
