-- ADVERTISEMENT --
Nagmando ang Philippine Coast Guard (PCG) sang heightened alert sa mga pantalan sa bug-os nga pungsod, matapos nila namonitor ang halos 300,000 ka mga pasahero nga nagbiyahe sang Biyernes Santo.
Sa kabug-usan, may 147,035 ka outbound nga pasahero kag 146,691 ka inbound.
Ginpahamtang ang alert level halin Marso 28 tubtob Abril 5, 2026, agud matutukan ang dako nga volume sang mga biyahero.
Samtang, sa Sabado de Gloria, naka-monitor ang PCG sang 60,492 ka outbound kag 49,574 ka inbound nga pasahero.
Padayon ang pagbantay sang PCG sa seguridad kag kaluwasan sang mga pasahero, agud masiguro ang hilway kag luwas nga selebrasyon sang Semana Santa.
