Nagsaka na sa halos 200,000 na ka indibidwal ukon 47,000 ka pamilya halin sa 53 ka barangay ang apektado sang magnitude 6.9 nga linog sa Cebu nga nag-igo sang tinalikdan nga Martes.
Suno sa Office of Civil Defense (OCD), sa sini nga numero, masobra 4,000 ka pamilya ukon 20,600 ka indibidwal ang nagapabilin sa guwa sang mga evacuation centers bangud sang padayon nga mga aftershocks sa lugar.
Kasunod sini, ginpabutyag ni OCD Deputy Administrator for Administration Asec. Bernardo Rafaelito Alejandro IV nga padayon ang operasyon sang National Disaster Risk Reduction and Management Council (NDRRMC) sa pag-assess sang kasamtangan nga kahimtangan sa Bogo, Cebu, nga amo ang lugar nga pinaka-naapektuhan sang lindol.
Samtang, padayon man nga ginahatagan sang bulig ang mga residente nga apektado labi na sang pagkaon, tubig kag medical.
