Suno sa Philippine Rice Information System (PRiSM) nag labo-ot sa ginatos ang kadakuon sang mga palayan nga ginabanta nga maapektuhan sang mga ulan nga dala sang bag-ong TD Querobin sa Mindanao.
Base sa pagbanta sang satellite-based rice monitoring system sang pungsod, mahimo nga makaabot sa 19,119 ektarya sang mga palayan ang maapektuhan, malayo nga mas mataas kumpara sa inisyal nga halos duha ka libo ka ektarya kahapon.
Ini nga numero nagalakip sang 925 ektarya sang mga palayan nga yara sa vegetative phase kag 5,442 ektarya nga yara sa ripening stage.
Dako nga porsyento sini ang yara sa reproductive phase. Ini ang katumbas sang 12,752 ektarya sang mga palayan.
Ang kadamuan sini humalin sa mga probinsya sa Mindanao, samtang mahimo man nga maapektuhan ang mga palayan sa mga probinsya sa Bicol Region tungod sa mabug-at nga mga ulan.
Base sa pagbanta sang state weather bureau, sa masunod nga 24 oras, mataas ang tyansa sang mabaskog nga mga ulan sa bug-os nga Bicol Region, Eastern Visayas, kag mga probinsya sang Agusan del Norte kag Agusan del Sur, Davao de Oro, Davao del Sur, kag Davao del Norte, tungod sa pinagsama nga epekto sang tropical depression kag Shear Line.
