KORONADAL CITY – Halos 200 ka pamilya ang apektado sang malapnagon nga pagbaha bangud sa wala untat nga pagbubo sang ulan sa banwa sang Kabacan , North Cot.
Ini ang ginkumpirmar ni Engr.Arnulfo Villaruz, PDRRMO Operation and Warning Chief sang North Cotabato sa interview sang Bombo Radyo Koronadal.
Suno kay Villaruz, ang nasambit nga mga pamilya ang nagikan sa Barangay Pisan, Bangilan kag Bannawag.
Dugang pa sini, lubog man sa baha ang mga barangay sang Bangilan, Upper Paatan kag Malanduague.
Magluwas sa banwa sang Kabacan, apektado man ang pila pa ka mga kaiping nga mga lugar bangud man sa mga pag-ulan nga naeksperyensiyahan.
Sa subong nagapadayon ang assessment kag evaluation sang mga otoridad sa kabug-usan nga damyos nga ginbilin sang pagbaha sa nasambit nga mga lugar.
