KORONADAL CITY- Naglab-ot sa masolosobra 200 ka mga pamilya ang apektado sa pagpanalasa sang pagbaha kag makusog nga hangin sa pipila ka lugar sang Region 12.
Ini ang nangin kumpirmasyon ni Ms. Joremae Balmediano, sa interbyu sang Bombo Radyo Koronadal.
Suno sa iya, ang mga apektado nga mga lugar sa rehiyon amo naman ang probinsya sang Sultan Kudarat kag South Cotabato.
Sa Sultan Kudarat, ang apektado nga banwa amo naman ang Bagumbayan, nga kung sa diin may yara sang 23 tanan ka mga pamilya ang apektado nga kung sa diin nagbakwit apang sa karon ang iban ang amt-amat na nga nagbalik sa ila nga panimalay.
Ang naapektuhan amo ang Purok Kawayan sakop sang Barangay Poblacion Bagumbayan bangud kung tan-awon ini ang manubo nga bahin sang lugar. Dugang pa niya, sa ulihi nga mga binulan duha na sila ka beses nga marescue.
Samtang sa pihak nga bahin, ang banwa naman sang Norala, South Cotabato nga kung sa diin, naglab ot sa 109 ka mga pamilya anga naapektuhan nga sa karon nakabaton na sang ila nga mga food packs partikularmente ang Barangay Simsiman kag Matapol.
Pipila ka panimalay kay natumbahan sang mga kahoy, kag pipila man ka mga panimalay ang nakuhaan sang atop bangud sa mabaskog man nga hangin kag ulan.
Sa karon, nagapadayon ang clearing operations sa lugar agud nga mahibaluan ang kabug-usan nga damage assessment bangud apektado man ang pipila ka mga agrukultura, imprastaktura kag ibam pa.
Padayon man ang panawagan sang OCD12 nga magapabilin nga alerto bangud naman sa malain nga panahon nga naeksperyensyahan sa nagkalain-lain nga area sang Region.
