KORONADAL CITY– Nagapadayon sa karon ang imbestigasyon sang mga otoridad angot sa nagluntad nga digrasya sa banwa sang Alamada, North Cotabato.
Suno sa Alamada Municipal Disaster Risk Reduction and Management Office (MDRRMO), isa ka all purpose vehicle ang nadula-an sang kontrol sa National Highway malapit sa Camp Paulino Santos, Barangay Dado nga nangin rason sang pagkapilas sang 19 nga sakay sini.
Papuli na suno pa ang mga biktima sa Davao City halin sa Asik-Asik Falls sa nasambit nga lugar sang natabo ang insidente.
Pinakabata suno pa nga biktima amuh ang 6-anyos kag pinakatigulang naman ang yara sa 61-anyos.
Samtang, kritikal naman ang driver nga si Arlan Christopher Billena, 28-anyos kag si Romeo Arlan, 61-anyos nga lunsay residente sang Jade Valley Subdivision, Davao City nga yara sa front seat sang matabo ang disgrasya.
Sa karon, padayon pa nga gina-obserbaran ang kahimtangan sang nasambit nga mga biktima.
