KORONADAL CITY– Naglab-ot sa masobra 20 ka mga panimalay ang ginguba sang buhawi sa 2 ka banwa sa probinsya sang South Cotabato.
Ini ang ginkumpirmar ni Provincial Disaster Risk Reduction and Management Office ukon PDRRMO Operations and Warning Chief Rolly Doane Aquino sa esklusibo nga interbyu sang Bombo Radyo Koronadal.
Suno kay Aquino, 2 ka sitio ang apektado sang buhawi sa banwa sang Surallah kun sa diin 17 ka puluy-an ang naguba sa Sitio Lambukon samtang 3 naman sa Sitio Lamual sa Brgy Canahay.
Magluwas sa Surallah, apektado man sang strong winds ang Brgy Lake Seloton banwa sang Lake Sebu kun sa diin yara sa 14 ka puluy-an ang apektado. May mga agricultural crops man suno pa nga apektado sa Brgy Halilan kag Brgy Upper Makulan.
Dugang pa sini nga waay ginpalampas sang buhawi ang mga plastasyon sang mais, palay kag saging sa lugar.
Kaangot sini, gunpasiguro sang PDRRMO kag sang Provincial government ang bulig sa mga apektado nga residente.
