KORONADAL CITY – Luwas na ang yara sa 20 ka mga biktima sang food poisoning sa banwa sang Lake Sebu, South Cotabato.
Ini ang ginkumpirmar ni Mayor Antonio Fungan sa interbyu sang Bombo Radyo Koronadal.
Suno kay Fungan, nagikan sa duha ka Sitio sang Barangay Takunel sa nasambit nga banwa ang mga biktima.
Nahibaluan nga nagkaon sang pansit nga handa sa fiesta ang mga biktima sa ila nga barangay.
Matapos nga magkaon, nakabatyag sang pagpalanakit sang tiyan, pagpalanuka kag pagpamuhin ang mga biktima rason nga gindala sa Lake Sebu emergency Hospital kag gindapatan sang bulong.
Dugang pa ni Fungan nga may isa pa ka nagadala nga kaupod sang mga nabiktima samtang ang kalabanan sa mga ini ang mga menor de edad.
Kaangot sini, nagpromisa naman ang LGU-Lake Sebu nga pagabuligan ang mga biktima.
