KORONADAL CITY – Nagpanawagan sang bulig kay Pangulong Duterte ang halos 150 ka pamilya halin sa tribo nga T’Boli nga pagabuligan sila sa ila nga problema kag mga reklamo batok sa SUMIFRU, ang kumbuyuhan nga nagrenta sa ila nga duta kag nagapanag-iya sa subong sang malapad nga plantasyon sang saging sa banwa sang T’boli, South Cotabato.
Suno kay Ben Diyan, isa sa mga tag-iya sang duta , nagligad nga Nobyembre 16 pa sila nagumpisa nga nagbarikada kag indi sila magauntat ukon magahalin sa lugar tubtob sa indi pagatumanon sang SUMIFRU ang ila nga ginpromisa.
Luyag sang tribo nga bayaran sang tingub sang SUMIFRU ang 12 pa ka tuig nga nabilin halin sa 25 ka tuig nga pagrenta sa ila nga duta base sa ila ginpirmahan nga kontrata.
10 mil lang kada tuig ang ginabayad sang SUMIFRU sa mga land owners halin sa mga Barangay sang New Dumangas, Laconon kag Sala Café kag aminado ang mga ito nga gina-maruan sila sang nasambit nga kumbuyuhan.
Dugang pa sang mga ini nga nagamanggaranon ang SUMIFRU apang sila ang nagapamigado kag wala sang makaun bangod apektado sa gihapon sang hilo halin sa “aerial spray” sang ila nga mga tanum kag kasapatan.
Nahibaluan nga 4 ka tuig na ang ila nga reklamo sa SUMIFRU apang wala ginatuman sang pamunuan sini ang ila nga ginpromisa.
Luwas diri, wala man natuman sang SUMIFRU ang nakapagkit sa kontrata nga makabenepisyo sang health services ang mga land owners bangod apisar pagpa-ospital ang indi masarangan sang mga ini.
Suno naman kay Chinkie Pelino-Golle, Executive Director sang IDIS, nagakadapt nga atubangon sang SUMIFRU ang mga tag-iya sang duta sa T’boli kag ihatag ang ila nga hingyu.
“Matagal ng pinagkakakitaan ng plantasyon ang lupa ng mga T’boli at dapat lamang na maibigay din sa kanila ang kanilang benepisyo at bahagi sa kita ng plantasyon. Nararapat ding irespeto ng kumpanya ang karapatan ng mga lokal na komunidad na mabuhay ng malusog at may malinis na kapaligiran kaya dapat lamang na itigil na ang aerial spraying sa mga plantasyon”.
Nahibaluan nga samtang nagabarikada ang tribo , nahimo suno pa nga magpatigayon sang Aerial Spray ang SUMIFRU.
Angot sini, nagpanawagan man si Sr. Susan Bolanio, executive director sang OND-HESED Foundation nga pamatian sang SUMIFRU ang ginahingyu sang mga land owners bangod mga mal-am na ang mga ini kag nagutman na bangod wala sang makuhaan sang pagkaon.
