KORONADAL CITY- Ginakabalak an nga basi madugangan pa sa subong nga adlaw ang numero sang mga nabiktima sang food poisoning sa banwa sang Lake Sebu, South Cotabato.
Ini makaligad nga gindangat sa Lake Sebu Municipal Hopsital ang halos 100 ka mga residente halin sa duha ka banrangay makaligad nga nagtambong sa isa ka pagtilipon bilang pagsupurta sa isa ka kandidato.
Ini ang ginpahayag ni Ms. Gaywing Gadung, event organizer sa ekslusibo nga interbyu sang Bombo Radyo Koronadal.
Suno kay Gadung, nagpatawag ini sang pagtilipin sa Barangay Tasiman sa banwa snag Lake Sebu, South Cotabato bilang pagsupurta sa ila nga pakaisa nga amo naman si Barangay Lamfugon Kapitan Lea Lobong nga nagapapili nga konseha sang nasambit nga banwa.
Kadamuan sa mga nagtambong ang ila nga mga pamilya halin sa nagkalain lain nga mga Sitio sa Barangay Tasiman kag Lamfugon.
Isa ka oras lamang suno pa ang gindugay sang pagtilipin nga nag umpisa alas dose sang udto tubtub ala una sang hapon kahapon nga adlaw sang Dominggo.
Duha suno pa ka putahe ang ginpakaon para sa mga nagtambong sa pagtilipon lakip na ang bihon.
Sang hapon, sang nag umpisa na nga makaekperyensya sang pagpalanakit sang tiyan, pagsuka ang mga biktima amo nga gilayon sila nga gindala sa balay bululngan lakip na ang mga bata.
Nagpanguna man sa pagbulig ang LGU Lake Sebu kung sa diin ang MDRRMO ang nagbulig sa pagrescue kag pagtransport sa mga biktima sa ospital.
Sa karon ginahibalo pa sang mga doktoe nga nagbulong sa mga biktima kung ano nga pagkaon ang gintunaan sang pagkalipong sang mga ini.
Samtang nagpangayo naman sang pasensya ang grupo ni Gadung kag nagpanumpa nga nakapreparar sila nga sabton ang tanan nga gastos sa pagbulong sa mga biktima.
