KORONADAL CITY- Naglab ot sa halos 100 ka mga baboy ang ginkumpisak kag gilayon nga ginpaidalum sa culling o kun ginpanglubong matapos makapagkit sang African Swine Fever sa banwa sang Noral, South Cotabato.
Sa interbyu sang Bombo Radyo Koronadal kay Mayor Clemente Fedoc, yara sa halos 40 ka mga backyard hog raisers sa barangay Poblacion makaligad nga mangin positibo ang isa sa mga ginpaidalum sa test.
Nagbakal suno pa sang baboy ang isa sa mga residente sa lugar sa banwa sang Surallah kung sa diin una nga nakapagkit sang ASF kag gindala sa banwa sang Norala amo nga nakalab ot ang virus sa ila nga lugar.
Mangin man ang mga hog raisers ang nakibot sa panghilitabo bangud ulihi na sang ginpahibalo sa ila sang Municipal Agriculture nga kinahanglan nga kwaon ang tanan nga mga baboy nga makasulod sa 500 meters radius halin sa ground zero kung sa diin may nagpositibo sa ASF.
Apang nangin emosyonal naman ang mga tag iya sang baboy kung sa diin ginapadal an pa ang mga ini sang pulis agud nga makuha ang ila nga mga hinuptan nga baboy.
Nagreklamo naman ang mga hog raisers bangud sa pihak nga kwarta ang ihatag sa ila, ginhatagan lamang ang mga ini sang 5 ka kilo nga bugas, noodles kag de lata kag indi pa sigurado kung makabaton sila sang financial assistance halin sa LGU.
Luwas sini, nagreklamo naman ang pipila ka mga hog raisers nga nakwaan sang mga hinuptan nga baboy bangud indi man tanan sang ila nga baboy ang gin paidalom sa test.
Sa karon, nagapadayon ang monitoring sang Provincial Veterinary Office sa kabug usan nga numero sang mga baboy nga apektado na sang ASF.
Ginpasiguro naman ni Myaor Fedoc nga pagabuligan ang mga apektado nga mga hog raisers.
