KORONADAL CITY- Naglab ot sa halos sa 100 nga mga estudyante sang Mirab Elementary School sa banwa sang Upi, Maguindanao del Norte ang naospital makaligad nga ini ang makahaklo sang hilo.
Ini ang ginkumpirma ni Municipal Disaster Risk Reduction Officer (MDRRMO) Johnloyd Ulubalang sa interbyu sang Bombo Radyo Koronadal.
Suno pa sa iya, kasamtangan nga nagapaayo ang mga ini karon sa Datu Blah Sinsuat District Hospital ang mga estudyante kag padayon nga gina obserbaran sang mga doktor.
Nahibaluan nga may isa suno pa ka mangunguma nga nag-spray sang herbicide nga mga dala nga organophosphates kag aromatic hydrocarbon nga nahaklo sang mga estudyante nga nangin rason sang pagkaeksperyensya sang mga ini sang pagpalanakit sang tiyan kag ulo, pagpalanuka kag pagkalipong sang mga ini.
Angut sini, ginpasalamatan naman sang pamunuan sang Mirab Elementary School ang LGU kag tanan nga nagbulig agud nga madala sa ospital ang mga grade school pupils.
Lakip sa mga nagresponde amo ang Municipal Disaster Risk Reduction and Management Office, Upi PNP, BFP, 57th Infantry Battalion kag iban pa.
Sa karon, nakatutok ang Datu Blah Sinsuat District Hospital sa mga biktima kag sa pagkamatuod yara na sa stable nga kondisyon ang mga ini apang under observation s agihapon ang mga ini sang PGH Poison Management and Control Center.
Suno naman kay Upi Mayor Rona Tintin Piang-Flores, magapablin sang tubtub tatlo ka adlaw sa balay-bulungan ang mga bata agud maobserbahan pa sang mga doktor.
Samtang naghiwat ang Local Government Unit sang Upi sang decontamination sa nasambit nga buluthuan.
