KORONADAL CITY– Aminado si Brgy. Zone II Koronadal kapitan Nelia Corales nga luwas sa nagalapta nga basura nga problema sa palibot, problema man sa barangay ang pagahakutan sang mga basura halin sa mga panimalay.
Ini bangud ang brgy. dump truck ang gubaon na kag indi fully operational.
Makapila ka bes naman ini nga ginpakay-o apang isa lamang ka usar sang dumptruck kag nagakaguba na.
Nahibaluan nga ang dumptruck ang gina usar panahon pa ni anay Koronadal City Mayor Fernando Miguel.
Samtang ginpakamalaot ni Brgy. Zone II Koronadal kapitan Nelia Corales ang pila ka insidente kun sa diin ginapanghaboy sang mga indi residente sang iya barangay ang ila basura sa ginasakupan sang Zone II.
Nagpanawagan ini nga himuson na lamang kag isegregate sang maayo ang basura agud makolekta sang dumptruck kag indi na manilapta pa.
Nahibaluan nga estilo sang iban amuh ang ginadala ukon ginahaboy ang ila mga basura sa iban nga mga barangay nga ginakakibot na lamang kun sa diin naghalin ang mga basura.
Gintawag man sini nga injustice ang nasambit nga hilikuton.
