Ginplastar ni Gymnastics Association of the Philippines (GAP) president Cynthia Carrion ang pagahimuon nila nga preparasyon para sa Los Angeles Olympics sa 2028 sa paglaum nga masundan ang kadalag-an ni Carlos Yulo sa Paris.
Suno kay Carrion, plano nila nga mag-hire sang foreign coach nga sarang mag-uyat kay Yulo kag sa bug-os nga gymnastics team para sa masunod nga edition sang Summer Games sa United States.
Nahibaluan nga indi na bag-o ang pag-hire sang foreign coach para sa asosasyon.
Sang 2013, gin-tap sang gymnastics body ang services ni Japanese mentor Munehiro Kugimiya, nga nagbulig kay Yulo agud magiyahan ini para sa iya career tubtob nga nagseparar ang ila banas
Sa idalom ni Kugimiya, si Yulo nakadaug sang pila ka titles,kalakip na ang duha ka gold medals sa World Championships kag multiple titles sa SEA Games.
Sunod nga nagdesisyon ang GAP nga mag-hire sang local coach nga magagiya kay Yulo para sa iya Olympic journey sa Paris kaupod ang Filipino tactician Aldrin Castaneda.
Ini nagbunga sang maayo nga resulta bangud sa pagdaug ni Yulo sang duha ka gold medals sa floor exercise kag vault.
Ang tikang nga ini magapreparar sa GAP sa misyon nga magpadala sang team sa LA 2028.
Gina-target man ni Carrion nga ilakip ang manghud ni Yulo nga si Eldrew nga isa man ka promising gymnast.
