-- ADVERTISEMENT --
Naghatag sang P18.5 bilyon nga emergency loans para sa mga biktima sang bagyong Carina kag habagat ang Government Service Insurance System (GSIS).
Suno sa GSIS, ini makabulig sa 864,089 ka mga miyembro kag pensioners nila nga yara sa Metro Manila, Batangas, kag Rizal nga ginpasulod sa state of calamity.
Para maka-aplay, kinahanglan ang isa ka miyembro wala sa unpaid leave, wala sang nakabinbin nga administrative ukon legal cases, kag may yara sang regular nga buwan nga hulog.
Pwede makakuha ang mga miyembro sang tubtob P20,000 nga loan kag pwede sila mag-aply halin Hulyo 26 tubtob Oktubre 28.
