KORONADAL CITY – Nagapanawagan sa subong ang South Cotabato Medical Society kay Governor Reynaldo Tamayo Jr. nga liwat nga ipaidalom sa Enhanced COmmunity Quarantine (ECQ) ang probinsya.
Ini bangud sa padayon nga pagsaka sang COVID 19 cases sa probinsya nga ginakabig nga special concerned area.
Sa sulat nga ginpdala sang grupo sang mga health workers sa gobernador, nakapagkit man nga yara sa 206 mga doktor, nurses at midwife halin sa nagkalain-lain nga pampubliko kag pribado nga ospital ang nagapaidalom subong sa quarantine makaligad magpositibo sa virus ang pila sa mga ini.
Kadungan sini, naalarma man sila sa mataas nga porsyento sang resulta sang mga ginpaidalom sa tests kun ikumparar sang nakaligad nga bulan makaligad mapagkit na ang local transmission sa probinsiya.
Bilang sabat, sa personal Facebook post sini, ginpahayag ni Governor Tamayo nga yara sa kamot sang alkalde ang desisyon kun igapaidalom sa ECQ ang ila nasakupan.
Naglab-ot naman sa kapin 700 ang positibo nga kaso sa rehiyon 12 kun sa diin pinakamataas ang South Cotabato nga may 209.
