KORONADAL CITY – Padayon ang pagsaka sang Gross National Domestic Product sa Region XII.
Ini ang ginpahayag ni NEDA Assistant Regional Director Noel Quiratman sa interbyu sang Bombo Radyo Koronadal.
Suno kay Quiratman nga sang nakaligad sang nag suffer sang El Niño ang Region XII ang hina ang ekonomiya ilabi na ang agricultural sector sang rehiyon apang sang natapos ang nasambit nga El Nino nga maayo ang ekonomiya kag nangin katupong na ini sa Region XI.
Ginpahayag man ni Quiratman nga madamo ang pumuluyo nga pigado sa rehiyon XII ini ang nahibaluan bangod sa ginpatuman nga pinaka ulihi nga survey nga gintawag nga Family Income Survey.
Dugang sini nga apisar pa nga madamo ang pigado sa rehiyon, naga sanyog sa gihapon ang ekonomiya sang Socsargen bangod sa madasig nga industry sector kag services para sa mga pumuluyo.
