KORONADAL CITY- Nagapadayon ang imbestigasyon sang Tampakan, South Cotabato sa napagkit nga pagpasigabong sang granada sa nasambit nga banwa.
Sa ekslusibo nga interbyu sang Bombo Radyo Koronadal kay Tampakan Indigenous People’s Mandatory Representative Amay Collado, ang granada ang ginpasigabong sa Prk. San Francisco Brgy. Pula Bato Tampakan South Cotabato kun sa diin nag-ugat suno pa ini sa away sa duta sang duha ka hubog makaligad mag-initanay sa tunga sang ilimnan.
Naakig suno pa ang suspek nga si Johnrex Escalante 30, anyos may asawa kag residente sang nasambit nga barangay sa biktima nga si Albert Dabon alyas Tata 20 anyos may asawa kag residente man sang nasambit nga lugar makaligad ang ila mainit nga pagbaisanay sa tunga sang ilimnan kun sa diin ginhabuyan sini sang granada si Dabon nga nagresulta sa pagkawasak sang lawas sini kag gilayon nga ginbawian sang kabuhi.
Makaligad ang ginhimo nga krimen naghana pa nga maggpalagyo ang suspek usar ang iya motorsiklo apang nadakpan ini makaligad madisgrasya sa atubang sang military detachment sa nasambit nga banwa.
