-- ADVERTISEMENT --
KORONADAL CITY – Padayon ang imbestigasyon sang mga kapulisan kun ano ang motibo sa lalaki nga ginluthang patay sa Barangay Titulok Bagumbayan, Sultan Kudarat.
Ginkilala ang biktima nga si Jestoni Jacinto, isa ka graduating student sang Sultan Kudarat State University Isulan Campus sa kurso nga Bachelor of Science in Civil Engineering kag residente sang Lambayong, Sultan Kudarat.
Suno sa iya mga kaupdanan sa boarding house, nagapaningala sila nga indi na ma-contact ang biktima sa sulod sang pila ka adlaw kag wala man ini nakapauli sadtong Biyernes.
Nakilala lamang ang biktima sa iya suksok nga jacket, helmet, kag gloves sang nagluntad ang krimen.
