KORONADAL CITY – Ginpasiguro ni South Cotabato Governor Reynaldo S. Tamayo Jr. nga maga himo ini sang nagakaangay nga tikang sa tion nga mapamatud-an nga may ara sang kakulangan sa bahin sang pila ka mga staffs sang South Cotabato Provincial Hospital (SCPH) angot sa issue sang pagkapatay sang isa ka pasyente.
Sa interview kay Governor Tamayo, ginpahayag sini nga nakaabot na sa iya ang impormasyon may kaangatanan sa naga lapta nga post sa social media angot sa reklamo sang isa ka persona sa diin gina alegar sini nga may kapabayaan sa staffs sang ospital kabangdanan nga napatay ang ugangan sini nga lalaki.
Suno sa post sang reklamante, wala nakabaton sang husto nga pagtagad ukon serbisyo ang iya nga ugangan sa diin nagsuprer san highblood pressure kag nautas sa ospital nga wala nabantayan sang mga staffs agud nga mahingagaw ang tanan nga pamaagi agud mabuhi lamang ini.
Suno naman sa Gobernador, naga padayon na ang imbestigasyon sang iya nga pamunuan angot sa matoud-toud nga nahitabo sa nasambit nga insidente.
Ginpasiguro man sini nga mangin patas ang imbestigsyon sa tanan nga bahin nga involbado.
