May inisyal na nga plano ang mga Regional Chief Executives sang Rehiyon Dose agud nga mabuligan ang mga apektado nga sektor tungod sa hinali nga pagsaka nga presyo sang gatong.
Ini ang nangin kabahin sang pahayag ni South Cotabato Governor Reynaldo S. Tamayo Jr. bilang isa man ka Presidente sang League of the Provinces of the Philippines.
Suno sa gobernador, nagpatigayon man sang orientation sa mga lideres sang Rehiyon Dose kaupod ang DILG kag DOE sa kabangdanan sang pagsaka sang presyo sang gatong kag epekto sini sa ekonomiya sa bilog nga kalibutan kag ang epekto sini sa ekonomiya.
Ginhatagan man sang ligwa sang gobernador nga indi lang ang Pilipinas ang makabatyag sang epekto sini kundi sa bilog man nga kalibutan bangud apektado sang supply sang krudo kag gatong sa kalibutan tungod sa pagka-imbolbar man sang pungsod Iran.
Ginatun-an man sa subong sang Gobernador lakip na ang National Government kun paano makabulig ang gobyerno sa mga apektado nga mga sektor sa Pilipinas.
