Ginalauman nga maglab-ot sa Pilipinas ang 300,000 ka barrels nga diesel sa madason semana bilang kabahin sang mga tikang sang Department of Energy (DOE) angot masiguro ang suplay sa tunga sang global oil crisis.
Ginbakal ang diesel sang Philippine National Oil Co. (PNOC) nga halin sa isa ka pungsod sa Southeast Asia.
Ang PNOC magabaligya sang diesel sa mga oil players sa presyo nga ila lang nabakal, samtang wala sang fuel storage facilities ang gobyerno humalin sang oil deregulation law.
Apang, indi igo ang 300,000 ka barrels para matutukan ang demand, nga ginalauman ma-usar sang Pilipinas ang isa ka milyon ka barrels kada lima ka adlaw.
Padayon naman ang mga diskusyon angot sa procurement sang energy supplies halin sa China kag Russia.
Ginpahayag man nga ang shift sa electric vehicles (EV) ang isa sa mga solusyon agud magbuhin sang pagka-dependente sa fuel, bisan pa man nga ang presyo sang EVs nagapabilin nga mataas sa kasamtangan.
