KORONADAL CITY – Ginapamatukan man suno pa sang Makabayan bloc ang madugay na nga indi pagpabor sa political solution ilabi na sang peace negotiation sang gobyerno.
Suno kay Bayan Muna Representative Carlos Isagani Zarate nga ginasabotahe suno pa sang kasamtangan nga administrasyon ang ini nga tikang bangud indi luyag sang mga ini nga mangin malinong ang pungsod.
Mas luyag suno pa sang adminstrasyon ang kagamo agud nga may tion nga makapamakal sang mga armas agud nga may yara sang makuha halin sa pondo sang gobyerno kag makahimo sang mga tikang nga suno pa para sa kaayuhan sang tanan apang agud lang nga makakuha sang ila naluyagan.
Dugang pa ni Zarate nga ang papadayon nga pagulamid sang mga panagalan sang ila nga grupo angot sa mga grupo nga nagakontra sa gobyerno ang isa ka pamatuod nga indi luyag sang gobyerno sang kalinong rason nga indi luyag madayon ang madugay na nga ginabuko nga peace negotiation.
Hugot nga ginakondenar sang Makabayan bloc sang Kamara ang pag-usar sang kamatayon sang bata ni Rep. Cullamat sa isa ka operasyon nga ginpatigayon sang mga otoridad nga isa ka miyembro sang NPA nga suno pa mangin sila karun ang ginaulamid naman sa nasmbit nga panghilitabo.
