KORONADAL CITY – Kadungan sang anibersaryo sang CPP-NPA subong nga adlaw nagakadapat suno pa mga makaangkon sang Bilateral Ceasefire ang Gobyerno kag ang NDF-CPP-NPA sa ika tatlo nga round sang peace talks sa Pilipinas nga pagahiwaton sa Enero sa Roma.
Ginhatagan punto ni Koronadal City Vice Mayor Eleordo Ogena, dako nga butang nga mangin bilateral ceasefire na ang matabo kag indi unilateral ceasefire nga kabubut-on lang sang gobyerno para sa nasambit nga rebelde nga grupo.
Kaangot sini dako man ang kaisog ni Pres. Rodrigo Duterte nga lab-uton ang ini nga grupo bangud sa pila ka mga presidente sang pungsod nga nag agi ini pa lang ang tion nga nahatagan sang ligwa ang mga kauturan nga myembro sang NPA nga mapabutyag ang ila mga luyag nga matabo sa gobyerno.
Kaangot sini ginapatihan nga dako nga breakthrough para kay President Rodrigo Duterte sa tion nga masolbar sini ang problema ukon mga isyu nga ginakaatubang sang Gobyerno batuk sa NDF-CPP-NPA sa Pilipinas.
Ginhatagan punto ni Koronadal City Vice Mayor Eleordo Ogena nga wala pa sang presidente ang naglab-ot sa sini nga grupo kag sa tion nga masolbar ni Pres. Duterte nga ini nga problema tuman ka dako ini nga butang para sa iya.
Nahibaluan nga ang insurgency sa NPA ang pinakamalawig sa asya kun sa diin ini suno pa nga grupo ang naga ganyat sa mga kabataan nga may prinsipyo kag luyag pakigbatuan ang kapigaduhon kag iban pa.
Madumduman nga ang rebelde nga grupo sang NPA ang ginatudlo man nga yara sa likod sang mga kalakasan ilabi na sa probinsya sang South Cotabato nga amuh ang pagpanunog sang mga ekwipo kag mga bus sang mga dalagkuan nga kumbuyuhan.
