KORONADAL CITY- Indi pa masyado mabatian pa ang mga naga lupok-lupok nga tuga sang giyera sang 2 ka pungsod sa Crimea sa pihak naman sa nagapadayon nga tensyon sang Ukraine kag Russia.
Ini ang ginpahayag ni Aisha Montañer, Bombo International News Correspondent to Republic of Crimea sa interview sang Bombo Radyo koronadal.
Suno sa iya, apisar nga daw kulukasubong nga peaceful pa ang ila nga lugar sa karon, indi sa gihapon madula ang ila nga kakulba bangud dako gihapon ang posibilidad nga maigo sila sang anu man nga missile kun man sagunsun pagid ang giyera.
Ginpahayag sini nga sa karon, naga kahangawa na sa subong ang pila ka mga pinoy sa mga neighboring countries sang Ukraine nga basi mas magtaas pagid ang tension sang kinagamo nga ginapatigayon sa subong sang Russia sa Ukraine.
Nahibaluan nga kahapon nga adlaw nagdeklarar si Russian Vladimir Putin, nagmandu nga ibutang sa “High alert” ang nuclear forces sa Russia kasunod sang agresibo nga komento nga ginpaguwa sang NATO .
Sa karon ang handom kag padayon na lamang nga nagapangamuyo ang pungsod Crimea nga indi sila madalahig kag wala sang may maulamid nga mga pumuluyo kag ang ila man nga lugar sa mas nagalala nga tensyon.
