Isa sa mga ginatudlo nga rason sang bag-o nga pagsaka kag pagpatuman sang daku nga oil price increase sa Pilipinas amo ang giyera sa tunga sang Iran kag Israel.
Ini ang ginkumpirmar ni Noli Geroche, director sang Department of Energy Mindanao Field office sa interbyu sang Bombo Radyo Koronadal.
Ginpaathag man ni Gerocge nga bangod sang hulag sa world market, direkta ini nga nakaapekto sa lokal nga presyo sang petrolyo.
Wala sang kontrol suno pa kay Geroche ang Department of Energy (DOE) sa presyo sang gatung, apang ginapasiguro sini nga may igo nga supply sang petrolyo sa pungsod.
Isa sa mga inisyatibo sang gobyerno amo ang pagpatuman sang staggered price increases sang mga kompaniya sang gatung.
Ini nga tikang ginamonitor sang ahensya agud masiguro nga ginatuman sang mga oil players ang husto nga proseso bangud ang regular nga konsumidor amo ang pinaka apektado sang padayon nga pagsaka sang presyo.
