KORONADAL CITY – Ginhatagan sang igtalupangod sang syudad sang Koronadal ang katungod sang mga kabataan kag pagpanalipod sa mga ini batok sa anu man nga maka kalakasa.
Sa Ginpatigayon nga State of the Children’s Address o SOCHA 2024 nga may tema nga “Break the prevalence, end the violence: protecting children, creating a safe Philippines”, tinutuyo sini ang mas pasangkadon pa ang mga inisyatibo kag mga tikang agud nga maduso ang katungod kag maproteheran ang mga ini batok sa anu man nga sahi sang pagpang-abuso.
Sa nasambit nga mga aktibidad, naghatag man sang mensahe sa Koroadal City Mayor Eliordo U. Ogena nga padayon ang mga programa kag polisa sang lokal nga gobyerno nga nakatuon sa pagproteher sang katugod sang mga kabataan batok sa anu man nga sahi sang pagpang-abuso.
Ginpahayag man ni Ivy Caballes ng Save the Children Philippines nga padayon ang pagpakig-angot sang mga ini sa mga lokal nga gobyerno agud nga indi malapas ang mga katungod nga dapat proteheran sang gobyerno.
Madumduman nga ara man sa nasambit nga mga aktibidad ang mga katapo sang Koronadal City Police Station, Barangay Council for the Protection of Children o BCPC kag Local Council for the Protection of Children kag Non-Governmental Organizations.
