KORONADAL CITY – Malipayon nga ginpakigbahin sang isa ka LET passer sa Bombo radyo Koronadal ang iya sini nga kaagi antes nga nakapasar kag nakuha ang handom sini nga makapasar sa Licensure Exam for Professional Teachers (LEPT).
Sa interview sang Bombo Radyo Koronadal kay Mr. Patrick Jayson Pelonita, isa ka passer, ginpahayag sini nga malipayon ini kag mapisanalamaton bangud naabot sini ang handum niya.
Nagpasalamat man ini sa mga tawo nga wala sang untat nga naga suporta sa iya agud nga mapasar sini ang examination// Naglab-ot sa masobra 71,000 ka mga indibidwal ang nakapasar sa Licensure Exam for Professional Teachers (LEPT) nga ginhatag sini nga Marso suno sa Professional Regulation Commission (PRC).
Pahayag sang PRC, sa 44,764 examinees sa elementary level, yara sa 20,890 ukon 46.67% ang nakapasar. Samtang, 50,539 ukon 58.78% sa 85,980 tanan ka mga examinees ang nakapasar sa secondary level.//Ginpatigayon ang LEPT sang March 17, 2024 sa 36 tanan ka testing centers sa bug-os nga Pilipinas.
Gin-anunsyo man sang PRC nga sa 20,890 elementary teacher passers, 17,561 diri ang first timers kag 3,329 ang repeaters.
Para sa secondary teachers, 41,787 sa mga passers ang first timers kag 8,752 ang repeaters.
