Nagpanawagan sa administrasyon sang birthing home ang tatay sang napatay nga lapsag sang hustisya angot sa natabo sa iya bata.
Ini ang nangin pahayag ni Donald Santiag, tatay sang lapsag nga napatay, sa interview sang Bombo Radyo Koronadal.
Suno kay Santiago, nagapati sila sang iya asawa nga may kapabayaan sa bahin sang birthing home nga nagtuga sa kamatayon sang iya bata.
Dugang pa niya, masakit para sa ila mag-asawa ang natabo sa ila lapsag, ilabi na nga wala man lang nangayo pasaylo ang nasambit nga bithing home sa ila.
Ginapangabay man sang mag-asawa nga Donald kag Alvie Santiago nga makakas sa obra ang may kaangtanan sa nasambit nga insidente bangud kabuhi ang ila gina-uyatan kag agud indi na maliwat ang kasubong nga insidente sa iban nga lapsag.
