KORONADAL CITY – Ginkumpirmar sang Koronadal City Health Office nga isa ka patay kag yara na sa state of decomposition nga fetus ang nasapwan nga nakasulod sa eco bag kag ginhaboy sa kilid sang dalan sa Purok Parish Center, Barangay Zone 3, Koronadal City pasado alas-11 kaina sang aga.
Ini ang ginkumpirmar ni Dr. Vincent Ende, ang City Health Officer sang Koronadal sa interview sang Bombo Radyo Koronadal.
Suno kay Dr. Ende, sa ila nga pagchekyar yara sa ginabulubanta 5 ukon 6 ka bulan ang lapsag nga nasapwan.
Dako suno pa ang posibilidad nga nakaon sang sapat ang iban nga parte sang lawas sini antes nga nasapwan kaina sang aga.
Una diri, ginpahayag man ni Barangay Kagawad Erna Gulmayo sa Bombo Radyo nga may nag-impormar sa ila angot sa tuman ka baho nga ginapatihan naghalin sa eco bag nga ginalangaw kag yara lamang sa kilid sang dalan.
Gani, gilayon ini nga ginpadulungan upod ang ila nga garbage collector kag sang ginbuksan ang eco bag nakita ang fetus nga yara na sa state of decomposition.
Ginpadulungan man ini sang City Sanitary Inspector kag ginpaidalom sa dis-infection antes nga ginkuha.
Matapos makumpirmar nga isa ini ka lapsag, ginlubong ini sa Koronadal City Public cemetery.
sa karon, nagapadayon ang imbestigasyon sang kapulisan kun sin-o ang responsable sa paghaboy sang fetus sa nasambit nga luagr.
Sobra na gid kabaho.. ginpatawag ang garbage collector…
duha ka eco-bag– may supot pa nga kulay yellow..
kag
grabeh pa ang pagbalot
ginkuha na sang City health
pila ka adlaw na
yara na sa state of decomposition
may ribs nga nakita..
