Ginatos ka tawo dulungan nagtulog agud i-promote ang kinamatarong sa pagtulog

“Tulog is life” siling sa iban, apang ang iban naman wala na sang oras para magkatulog sang maayo bangud sa kasakuon sa trabaho.

Sa pungsod Mexico, may 200 ka mga tawo ang dululongan tulog sa tunga sang karsada agud iselebrar ang World Sleep Day.

Gamit ang synthetic mats, kag unlan naghigda ang mga partisipante nga may tabon ang mga mata.

Sa pahayag sang isa sa mga organizer nga si Doctor Guadalupe Teran, ang pagtulog sang maayo ukon ang paghiwat sang sini nga event, makaganyat sang atensyon kag makabulig lunsyar sang bag-o nga mga polisa sa pag-promote sang pagpahuway.

Dugang pa ni Teran, may kinamatarong ang tanan nga tawo nga magpahuway sa pihak sang masako kag malawig nga oras sa trabaho.