KORONADAL CITY – Apektado subong sang baha ang ginatos ka mga residente sang duha ka barangay sa banwa sang Lambayong, Sultan Kudarat matapos nga nag-awas ang tubig sa Alah river.
Sa ginpalab-ot nga impormasyon sa Bombo Radyo Koronadal, pila ka mga edtudyante ang wala nakasulod kaina sang aga bangud sa wala nakatabok sa taytay tuga sang pag-awas sang tubig.
Sa pagkamatuod, pila ka mga puluy-an ang gin-anod sang baha sa Barangay Road sang Sadsalan padulong sa taytay sang Barangay Udtong.
May poste man sang SUKELCO nga gin-anod sang tubig sa pila ka bahin sang nasambit nga lugar kun diin mangin ang isa ka salakyan ang wala man nakaluwas.
Magluwas diri, ekta-ektarya nga mga puluy-an ang naguba matapos nag-awas ang suba sa nasambit nga lugar humalin pa kahapon.
Sa subong, nagpanawagan sang bulig ang mga residente sa lokal nga gobyerno sang Lambayong bangud sa wala pa matapos nga dike nga rason sang problema.
Nahibaluan nga bangud sa mabaskog nga current sang tubig gikan sa nag-awas nga suba halos lampas sa tuhod ang baha sa Purok Conception sang Barangay Sadsalan sa nasambit nga banwa.
