KORONADAL CITY – Dako ang posibilidad nga may yara sang ginaplano nga Red October ouster plot batuk kay Pres Rodrigo Duterte sa probinsya sang South Cotabato.
Sa interbyu sang Bombo Radyo Koronadal kay kay 27th IB commanding officer Lt. Col Jones Otida, indi limod nga posible nga may yara sang plano ang pila ka persona ilabi na ang mga myembro sang komunista nga grupo nga pahalinon sa pwesto si Duterte.
Ini bangud sa presenya sang New People’s Army sa probinsya.
Apang ginpasiguro man sini nga may yara man ukon wala sang plano ang mga komunista nga grupo batuk sa kasamtangan nga administrasyon, padayon sa gihapon ang imbestigasyon sang militar sa nasambit nga isyu kag mangin man sa seguridad sang publiko.
Nahibaloan nga may naglapta nga Know Your Enemy chart nga ginpaguwa sa Facebook page nga Hukbo.com kun sa diin lakip suno pa sa mga ginatudlo nga indibidwal diri amo ang pila ka opisyal sang gobyerno, mga progressive groups kag mga personalidad sang komunista nga grupo.
