KORONADAL CITY- Nagapadayon sa subong ang imbestigasyon sang Bureau of Fire Protection sa Datu Paglas, Maguindanao makaligad ang napagkit nga sunog sa storage sang ginabaligya nga gasolina sa nasambit nga lugar.
Nahibaluan nga ginkaon sang kalayo ang nasambit nga establisemento nga ginapanag-iyahan suno pa sang isa ka pulis kun sa diin madam sang nakatambak nga gasolina kag krudo.
Samtang naglab-ot naman sa 10 ka drum sang gasolina ang nasunog nga nagpalala pa sa kalayo.
Ginabulubantan nga yara sa masobra P200,000 ang inisyal nga damyos sa nagluntad nga sunog.
Sa subong gina imbestigaran pa kun ano ang ginhalinan sang kalayo.
Maayo na lang kag wala sang napagkit nga patay ukon pilason sa nagluntad nga sunod kag ginahibalo pa ang kabug-usan nga damyos
